@arimi.ai · دليل الريل
فيلم قصير بالذكاء الاصطناعي على كمبيوترك: طريقة «القارب الورقي»
هذي الطريقة كاملة اللي سوّيت فيها فيلم «القارب الورقي»: Claude يدير الشغل خطوة بخطوة، و ComfyUI يولّد الصور والمقاطع على جهازك ببلاش. تحت تلقى الخطوات بالصور، والبرومبت الكامل جاهز للنسخ، ونسخة PDF تقدر تحمّلها وترجع لها.
الأدوات والموديلات حسب تجربتي في أكتوبر 2026، وأسماؤها وإصداراتها ممكن تتغيّر مع الوقت.
قبل ما تبدأ
- كرت شاشة NVIDIA قوي ومساحة فاضية للموديلات. أنا استخدمت RTX 3090.
- ComfyUI برنامج مجاني ويشتغل على جهازك، والصور والمقاطع تتولّد عندك بدون اشتراك.
- تحتاج AI يقدر يشغّل أوامر على جهازك، مثل Claude Code، وهذا له اشتراكه. أو سوّ المونتاج بنفسك.
- للأمان: خلّ الـAI يقول لك قبل أي تنزيل أو تثبيت وش بيسوي وكم حجمه، ونزّل الموديلات من صفحاتها الرسمية بس. لا تعطيه كلمات سر، ولا توافق على أمر ما تفهمه.
الخطوات بالصور
-
خلّ الـAI يثبّت لك ComfyUI
اطلب منه يفحص جهازك أول: كرت الشاشة وذاكرته والمساحة الفاضية. بعدين يثبّت ComfyUI ويشغّله على جهازك بس، ويكلّمه مباشرة. أنت ما تحتاج تلمس البرنامج.
لقطة من الريل: أول طلب لـ Claude. -
اطلب الموديلات السريعة
Z-Image Turbo للصور، و Flux 2 Klein لتثبيت شكل البطل وتعديل الصور، و MiniMax H3 لتحويل الصورة فيديو.
الموديلات الثلاثة اللي استخدمتها. -
ستوري بورد: 8 صور لـ8 مشاهد
اختار قصة بدون كلام: 8 مشاهد، 6 ثواني لكل مشهد، وبطل واحد يظهر في كلها. ولّد للبطل صورة وحدة واضحة على خلفية بسيطة، وبعدين خلّ الـAI يدخّله في كل مشهد عشان يطلع بنفس الشكل من أول الفيلم لآخره.
البطل: صورة وحدة واضحة على خلفية بسيطة. 
الستوري بورد النهائي: نفس القارب في الثمان مشاهد. -
شوف الصور وعدّل اللي ما يعجبك
للتعديل الصغير عدّل المنطقة بس، مو الصورة كاملة، عشان الخلفية ما تتغيّر. الأطفال في فيلمي عدّلتهم بـ ChatGPT المجاني.
قبل 
بعد 
قبل 
بعد -
حوّل الصور فيديو بـ MiniMax H3
لكل مشهد أول صورة وآخر صورة. عشان الكاميرا تتقدّم، خلّ آخر صورة قصّة مكبّرة من الأولى، ولا تحط نفس الصورة في البداية والنهاية. أول مقطع أخذ عندي حوالي 11 دقيقة، والباقي حوالي 6 دقايق للمقطع.
أول صورة 
آخر صورة -
خلّه يسوّي لك المونتاج
قول له يركّب المقاطع بالترتيب بانتقالات ناعمة، مع عنوان الفيلم وبطاقة نهاية. هذي الخطوة سوّيتها بـ Claude Code، وتقدر تسوّيها بنفسك في أي برنامج مونتاج.
لقطة من الريل: طلب المونتاج. -
سجّل صوتك
سجّل صوتك بجوالك وأعطه الملف، أو خلّ الـAI يقرأ النص عنك.
-
ضيف موسيقى… وجاهز
اختار موسيقى مجانية مو مسجّلة في Content ID. الملف النهائي عمودي 1080×1920، 30 فريم، ومستوى الصوت -14 LUFS، جاهز لإنستقرام.
من الفيلم النهائي 
آخر مشهد
البرومبت الكامل
انسخه كامل والصقه في Claude Code أو أي AI يقدر يشغّل أوامر على جهازك. بيمشي معاك مرحلة مرحلة، وينتظر موافقتك بعد كل وحدة.
أنت مساعدي في صناعة فيلم قصير كامل، كل صوره ومقاطعه تتولّد على جهازي ببلاش. اشتغل معي خطوة بخطوة، وبعد كل مرحلة راويني النتيجة وانتظر موافقتي قبل ما تكمل. وقبل أي تنزيل أو تثبيت، قل لي وش بتسوي وكم حجمه.
المرحلة 1: الجهاز
1. افحص جهازي: نوع كرت الشاشة وذاكرته، والمساحة الفاضية. إذا الجهاز ما يكفي، قل لي بصراحة.
2. ثبّت ComfyUI (النسخة الجاهزة لويندوز) وشغّله على 127.0.0.1:8188.
3. تأكد إنك تقدر تكلّم ComfyUI مباشرة عن طريق الـAPI على نفس الجهاز: أنت اللي ترسل له الـworkflow وتستلم الصور والمقاطع، وأنا ما ألمس البرنامج.
4. نزّل الموديلات من صفحاتها الرسمية فقط:
- Z-Image Turbo للصور
- Flux 2 Klein 9B لتعديل الصور وتثبيت البطل
- MiniMax H3 لتحويل الصورة إلى فيديو (أول صورة + آخر صورة)
المرحلة 2: القصة
1. اقترح علي 3 أفكار لفيلم قصير بدون كلام: 8 مشاهد، 6 ثواني لكل مشهد، وبطل واحد يظهر في كل المشاهد (مثل قارب ورقي أحمر ينزل في فلج ويوصل البحر). لكل فكرة بداية ومشكلة ونهاية.
2. بعد ما أختار، اكتب جدول المشاهد في ملف واحد (shots.json): لكل مشهد وصف الصورة، وحركة الكاميرا، ووصف الحركة للفيديو، والمدة. كل السكربتات تقرأ من هذا الملف بس.
3. قواعد كتابة البرومبت:
- اوصف بس اللي تبغاه يطلع في الصورة، بكلمات هادية وإيجابية. لا تكتب أبداً "بدون كذا" أو "no ...": الموديل يرسم أي شي يقرأه.
- الأشخاص من الخلف بس (اكتب: we see only his back)، عشان الوجوه ما تتغيّر من مشهد لمشهد.
- إذا ما تبغى الشمس داخل الصورة، لا تكتب sunset أو sunrise؛ اكتب warm golden light.
- كل مشهد = حركة وحدة في مكانها + حركة كاميرا وحدة.
المرحلة 3: الستوري بورد
1. ولّد صورة لكل مشهد بـ Z-Image Turbo بحجم 864×1536، وحط الثمان صور في صفحة وحدة أشوفها.
2. ثبّت البطل: ولّد له صورة وحدة واضحة على خلفية بسيطة، وبعدين دخّله في كل مشهد بـ Flux 2 Klein (2 Images Edit: المشهد صورة 1، والبطل صورة 2). إذا طلع البطل مرتين أو ظهر شخص زيادة، أعد المحاولة.
3. راويني الثمان صور، وعدّل اللي أقول لك عليه. للتعديل الصغير عدّل المنطقة بس، مو الصورة كاملة، عشان الخلفية والأشخاص ما يتغيّرون.
المرحلة 4: الفيديو
1. لكل مشهد جهّز أول صورة وآخر صورة بحجم 768×1344.
2. عشان الكاميرا تتقدّم، خلّ آخر صورة قصّة مكبّرة من الأولى (1.15×). ولو تبغى شي يتحرّك أو يتغيّر داخل المشهد، عدّل آخر صورة بـ Flux 2 Klein. لا تحط نفس الصورة في البداية والنهاية، لأن المقطع يرجع لبدايته.
3. حوّل كل مشهد لمقطع 6 ثواني بـ MiniMax H3. سوّ أول مقطع، وقل لي كم أخذ وقت قبل ما تكمل الباقي (عندي أخذ أول مقطع حوالي 11 دقيقة، والباقي حوالي 6 دقايق للمقطع).
4. افحص كل مقطع: ما فيه قفزات ولا لقطات متجمّدة. اللي فيه مشكلة أعد توليده.
المرحلة 5: المونتاج
1. ركّب المقاطع بالترتيب بـ ffmpeg، بانتقالات ناعمة (نهاية المقطع تختفي بهدوء والمقطع اللي بعده يظهر بهدوء)، مع عنوان الفيلم من أول فريم وبطاقة نهاية.
2. الصوت: صوت MiniMax H3 نفسه، أو موسيقى مجانية مو مسجّلة في Content ID، أو صوتي أنا (بسجّله وأعطيك الملف)، أو صوت AI يقرأ النص.
3. الملف النهائي: 1080×1920 عمودي، 30 فريم، ومستوى الصوت -14 LUFS، جاهز لإنستقرام.
ابدأ بالمرحلة 1.
إذا سوّيت فيلمك، أرسله لي، ودّي أشوفه 🙌