مونتاج بالـ AI من تلفونك

الخطوات

1. نزّل تطبيق Claude

   

   من Play Store في الأندرويد، أو App Store في الآيفون. التطبيق اسمه Claude by Anthropic.

   افتحه وسجّل دخول بحسابك.

2. سجّل واشترك في Pro

   

   Claude Code يشتغل مع الاشتراك المدفوع.

   اشتراك Pro في حدود 8 ريال عُماني بالشهر (أكتوبر 2026)، وتشترك من داخل التطبيق.

3. اختار المودل Opus 5.5

   

   من قائمة المودلات اختار Opus 5.5، أقوى مودل عندهم.

4. حوّل على Claude Code

   

   من القائمة اختار Code. ما تحتاج تختار مشروع، اكتب طلبك على طول.

   أول مرة ممكن يطلب منك تربط حساب GitHub المجاني: اتبع الخطوات اللي تطلع لك، وهي مرة وحدة بس.

5. صوّر نفسك وانت تتكلم

   

   من كاميرا التلفون، فيديو عمودي.

   لا تشيل هم الأغلاط: إذا غلطت، عيد الجملة وكمّل. بس صوّر، وعطيه كم دقيقة من التصوير.

6. ارسل المقطع، وقول له

   

   اضغط زر + وأرفق المقطع من الاستوديو، واكتب له:

   سوّ لي مونتاج ريلز من هذا المقطع، شيل الأخطاء، وحط الكابشن باللغة العربية

   وتقدر تزيد عليه بكلامك: نوع الخط، أو لون الكابشن، أو طول الفيديو.

7. حط الإعدادات على Ultracode

   

   وأهم شي لا تنسى: قبل ما ترسل، اضغط على اسم المودل تحت (Opus 5.5)، وافتح Effort، واختار Ultracode.

   بعدها اضغط إرسال.

8. وبتستلم الفيديو جاهز على تلفونك

   

   يقصّ الأغلاط والسكتات، ويحط الكابشن العربي، ويكتب لك وش سوّى بالضبط.

   الفيديو يطلع لك في نفس المحادثة تحت Outputs (الملفات الجاهزة): افتحه، وحمّله على تلفونك، وانشره.

   الشغل يكمّل في السحابة: تقدر تقفل التطبيق وترجع له بعدين.

   المرة الأولى ممكن تاخذ وقت أطول، لأنه يجهّز أدواته.

ملاحظات

• إذا ما عجبك شي في المونتاج، قل له بكلامك العادي في نفس المحادثة، مثلاً: «كبّر الكابشن» أو «شيل أول ثانيتين».
• كل طلب يستهلك من حدود الاستخدام في اشتراكك.
• لا ترسل مقاطع فيها معلومات خاصة، أو ناس ما استأذنتهم.

المصادر

• تطبيق Claude: Google Play وApp Store.
• Claude Code على التلفون: الشرح الرسمي.