سكل العروض التقديمية: عرض كامل من طلب واحد، على أي AI

الخطوات

1. الطريقة الأسهل: أي AI

   تنفع مع أي AI يقدر يقرا ملفات ويشغّل أوامر على جهازك، مثل Codex وGemini CLI وCursor وClaude Code. انسخ هذا الرابط وأرسله له:

   https://github.com/zarazhangrui/frontend-slides

   وبعده قل له: «استخدم هذا السكل وسوّ لي عرض عن…» واكتب موضوعك. خلاص.

2. في Claude Code: سطرين

   اكتب هذا السطر وأرسله، وانتظر لين يخلص:

   /plugin marketplace add https://github.com/zarazhangrui/frontend-slides

   بعدها اكتب هذا السطر:

   /plugin install frontend-slides@frontend-slides

   وصار عندك السكل. تشغّله بـ /frontend-slides:frontend-slides، أو تطلب عرض بكلامك العادي. أرسل كل سطر لحاله، لا تلصقهم مع بعض.

3. جاوب على أربعة أسئلة

   يسألك: العرض لأيش (عرض شركة، شرح، مؤتمر، داخلي)، كم شريحة، المحتوى جاهز ولا عندك موضوع بس، وتبغى كلام كثير ولا قليل.

   عندك عرض PowerPoint قديم؟ أعطه الملف، ويحوّله لعرض جديد بنفس المحتوى والصور.

4. اختر ستايل من ثلاثة

   بدل ما يسألك عن ذوقك، يسوّي ثلاث شرائح أولى بثلاث ستايلات مختلفة وتشوفها بعينك. تختار اللي يعجبك، أو تقول له يخلط بينهم، ويبني العرض كامل.

5. النتيجة

   

   ملف HTML واحد، تفتحه في أي متصفح. تتنقل بالأسهم أو بالمسافة.

   تبي تعدّل كلمة؟ اضغط E واضغط على أي نص وعدّله، وبعدها Ctrl+S.

   تبيه PDF؟ قل له «طلّعه PDF». وتقدر تطلب منه رابط تشاركه مع أي أحد.

البرومبت كامل

انسخه والصقه في الـAI اللي تستخدمه، وبدّل الكلام اللي بين القوسين:

ملاحظات

• العرض يطلع ملف ويب، مو ملف PowerPoint تعدّله شريحة شريحة. إذا تحتاج ملف .pptx للشغل، اطلب PDF أو استخدم سكل ثاني للبوربوينت.
• السكل مجاني ومفتوح المصدر (رخصة MIT).
• قبل ما تثبّت أي سكل من حد ثاني، اسأل الـAI عنه الخمس أسئلة. وإذا تبي تكتب سكلك بنفسك، شوف أول سكل لك.

المصادر

• السكل وطريقة التثبيت: صفحة Frontend Slides في GitHub.